Serre' Datu



Den misa' to sugi' unnampui serre' datu. Den sangallo na ma'kada tu to sugi' lako serre'na nakua: “Torromoko ammu manda'i pa'kampamu ku malepa undaka' bale ta pa'kandiananni.”

Ia tonna makaroen sulemi umbaa bale sangburia' na patorroi diong sali. Ma'dondomi sae tu serre' datu unnalai tu bale misa'. Naula'mi naalai dio mai tu bale. Mangka to na pesissikimi tu bale, na tollo'i. Pakalan saeomi na ala serre' datu tu bale misa'. Naula'mi, na la'ka'i tu serre' datu anna durru'i api tu danggo'na anna mararang tu pudukna. Mallaimi te serre' lako leko' dapo'.

Ia tonna la kumandemo te puangna, natambaimi tu serre' datu dio mai leko' dapo', apa noka sae. Pempiran-piran ditambai apa tontong bang ma'dokko dio leko' dapo' belanna sengke tu penaanna mangka didurru' api.

Tonna mamma'mo tu puangna, mengkondongmi tu serre' datu langngan para anna dedek-dedekki tu Baka Bua nanii balo' lan sisola maa', gayang, rara', lola' sia mintu' eanan banua.

Na pa'kadaimi serre' datu tu mentu' parea dao para nakua: “Torromokomi kamu. La malemo' aku belanna mangkamo' aku didurru' api sia puramo danggo'ku nakande api.”
Mebalimi tu issinna Baka Bua kumua: “Minda lamorai torro napesserang balao. La male dukakan kami.”

Mengkalaomi tu serre' datu rokko sali nakua kuanni tu La'bo' Penai: “Torromoko iko la'bo', la malemo' aku.”
Apa nakua La'bo' Penai: “Minda lamorai torro nabenga' balao. La male dukana' aku.”

Kendek omo langngan alang te serre' datu, nakuami lako Pare: “Torromoko iko bo'bo', la malemo' aku.”
Nakuami tu Pare: “Minda la torro napesserang sia napura balao, la male dukakan  kami.”

Maleomi te serre' datu ungkuan Tedong tama balana, kumua: “Torromoko iko, Tedong. La malemo' aku. Mangkamo' didurru' api.”
Nakuami Tedong: “Minda la torro napebalulangi balao, la undi dukakan kami.”

Nakutanaiomi serre' tu Bai kumua: “Torromoko iko Bai, la malemo' aku. Mangkamo' dipa'dikki.”
Nakuami Bai ma'kada: “Inda ia latorro nabu'bu'i balao tu bulunta.”

Napa'kadaiomi serre' datu tu Manuk, nakua: “Torromoko iko manuk, la laomo' aku.”
Nakuami tu Manuk: “Minda latorro nakondongngi balai, la male dukakan kami.”

Sirampunmi sola nasang anna sangke'deran male. Dolomi tu serre' datu anna sangundian tu pare sia muntu' parea sia patuoan dio boko'na.

Ullambi'mi misa' banua nanii tau sengke sia untendang bako bua lako salian. Sangundianmi tu issinna baka bua unturu' serre' datu. Ullambi'omi tu to umpakande asunna apa mukkun duka nabamba. Lussu'mi tu asu anna male unturu' serre' datu. Nalambi'omi tu to umpakande manuk, apa mukkun duka naleba' batu. Undi omi tu manuk unturu' serre' datu. Na lambi'omi tu tomarassan umpakande tedongna apa marassa duka nabamba tu kamorokna. Mallaimi tu tedong na undi unturu' serre' datu.

Marassan lumingka tu serre' datu sola sangsiturusanna, pakalan anna membali nasangmo tu rupanna susi tolino. Napatarru'i tu kalingkanna anna lambi' tu da'dua pia baine biungmo marassan ussaro banni' dio to sugi' sangbanuanna tu unnampui da'dua anak muane. Sulemi te pia biung sola duai umbawa banni' lako to'banuanna, anna undi unturu' serre' datu sola solana. Tonna rampomo lako banuanna natiromi tu tau undi unturu'i.

Ma'kadami sola duai nakua: “Lendu'komi mai, da' ammi dio bang salian.”
Mebalimi tu serre' datu nakua: “La tarru' siakan, melayo bangrakan sattu'."

Nakuami tinde pia biung: “Ta ma'kalembo' pissanpa mimane umpatarru' lalanmi.”
Ma'kadaomi tu serre' datu nakua: “La silasa riki'ka tu banni' mi kalembo', anna buda-budakan sibaa?”

Mebalimi tu pia biung nakua: “Pirarokomi sola nasang?”
Mebalimi serre' datu, nakua: “Tallung annan, tallung pitu, sangpulo pitu kasera” (Kennanu nakua serre' datu kumua; Buda liu kan).
Nakuami tu pia biung: “Kita raka la buda na lise'na bo'bo'.”

Masemi penaanna serre' datu sola sangsiturusanna urrangngi kadanna pia biung.
Nakuami serre' datu: “Iate kami sola nasang, latorromokanni ussisolankomi.”
Tiramban kapuami te pia biung sola duai.
Naumpu'i serre' nakua: “Iake tallung bongipa la memala' komi ma'kurre sumanga' belanna pada la untorroikan torroan malesoki la ussisolan komi.”

Nakua serre' datu: “La diona' aku to' dapo'.”
Ma'kada eanan banua: “La lankan kami baka bua.”
Susi dukato tu asu, manuk, tedong, bai, pare sia senga'-senga'na pada umpaka inan natorroi.

Pakalan pada umporupamo rupanna tu serre' datu sola sangsiturusanna anna torro sisola te pia biung. Sugi' sangattu'mi te pia biung makario-rio. Katampakanna ia te pia baine sola duai sibali tu pia muane anakna to sugi' nasisangbanuan simisaran. Sakerangngan-rangngannami tu kasugiranna. Apa tae' na pamadao penaai sangadinna tontong nakilalai tu apa mangka dadi, sia tontong napakaboro' sia nakananna'i tu apa den dio kalena.

Iamoto anna randuk tau umpakaboro'i tu serre' belanna disangan garonto'na eanan, sia biasa diposengo-sengo dikua:
Serre'ri oto' na eanan,
salimbanna baka bua,
ia petamba eanan,
peongli angge maritik,
dio mai randan langi',
to dio oloan uran.

S: http://www.torajaparadise.com/2014/11/ulelean-pare-serre-datu.html?m=0

Comments

Post a Comment

Popular posts from this blog

Jenazah Abadi Santa Bernadette

Image
Santa Bernadette lahir 7 Januari 1844 dan meninggal 16 April 1879 pada usia 35 tahun. Setelah kematiannya, jenazah St. Bernadette tidak membusuk. Kini meskipun telah melewati masa 139 tahun jenasah beliau tetap masih segar bagaikan sedang tidur saja. Jenasahnya disemayamkan di Kapel Biara St. Gildard di Nevers, Perancis. Tanggal 22 September 1909 menjadi saksi sejarah dimana untuk pertama kalinya dilakukan pengangkatan jenazah Santa Bernadette Soubirous yang masih tetap utuh, seolah tubuhnya baru dimakamkan kemarin hari, fisiknya juga masih cantik sempurna, tidak ada tanda-tanda kerusakan, masih segar dan tak tercium bau busuk. Betapa terkejutnya semua yang hadir menyaksikan jenazah Santa Bernadette Soubirous itu masih tetap utuh dan segar, sama persis keadaannya ketika ia baru meninggal dunia. Dokter Jourdan selaku dokter ahli bedah mengamat-ngamati jenazah yang menakjubkan itu. Ia melihat jelas seluruh gigi dalam mulut masih dalam keadaan sempurna, begitupun dengan organ tubuh
Baca Selengkapnya »

Taukah Kamu: Struktur Vertikal Rumah Tongkonan

Image
Dalam pembangunan tongkonan sistem struktur yang digunakan adalah sistem konstruksi pasak (knock down). Tahukah kamu apa sistem konstruksi pasak itu? Yaitu teknik konstruksi dengan sistem sambungan tanpa paku dan alat penyambung selain kayu.  Dalam pandangan agama leluhur Aluk To Dolo, struktur tongkonan dibagi menjadi tiga bagian utama. Ketiga bagian tersebut adalah bagian bawah atau kaki (sallu banua), bagian tengah atau badan (kale banua), dan bagian atas (rattiang banua). Mari kita lihat pembagiannya pada gambar berikut ini. 1. Bagian Bawah atau Kaki (Sallu Banua) Dalam kepercayaan orang Toraja sallu banua disebut sebagai dunia bawah. Fungsinya adalah sebagai kandang kerbau atau babi. Bagian ini merupakan kolong rumah yang terdiri atas pondasi, kolom atau tiang (a'riri), balok, dan tangga. a. Pondasi Pondasi terbuat dari batuan gunung yang disebut batu paradangan. Di atas batu tersebut diletakkan kolom/tiang penyangga tongkonan tanpa adanya pengikat. b. Kol
Baca Selengkapnya »

Ulelean pare " banne liling sola banne oki' "

Image
Den da’dua pia baine massiulu’ disanga Banne Liling na Banne Oki. iate pia baine sola duai den tu sipa’ kadakena iamotu kabokob oko. Ia ke denni apa nananna to matuanna moi umba napannhi tarru’ naboko sola duai. Nenne’ bangmo nata’tan sia na adai’ tomatuanna apa tangma’perangi  Belanna tang naissanmo to matuanna unnada’i, sipa’kada-kadami kumua la napatumbamira te anakna. Katampakanna nasituru’i indo’ ambe’na la nagaragan buria’ kapua la nanii untarungkui. Tonna marassanmo tu ambe’na unggaragai tu buria’ kapua, saemi tu anakna sola duai mekutana nakua: “La dipatumbari tu ambe’.” Mebalimi tu ambena nakua: “iate buria’ kapua la dinii ungkurung manukta belanna male bang ungkande parena tau.” Mekutanaomi tu anakna nakua: “La tama siaraka buria’ tu mintu’ manukta belanna bu’dak.” Nakuami ambe’na : “Mentamakomike, iammi silasa sola dua kumuku lan, siagimoto tu manukta.” Mentama tonganmi buria’ te pia sola duai. iatonna lanmo sola duai ta’pa natutu’ ambe’na tu buria’ anna ma’kada nak
Baca Selengkapnya »